Lajme

Kryhet një operacion i rrallë në QKUK

Shërbimi Spitalor Klinik dhe Universitar i Kosovës ka njoftuar se në Kirurgjinë Vaskulare me sukses është kryer një operacion te një pacient i moshës 56 vjeçare, i cili kishte aneurizëm (zgjerim) të aortës së barkut në nivel të arterieve renale (veshkave)- një rast shumë i rrallë dhe sfidues.

Sipas njoftimit, operimi është bërë nga ekipi i Kirurgjisë Vaskulare së bashku me anesteziologët.

“Pacienti kishte dhimbje të mëdha barku, për shkak të zgjerimit të arteries kryesore të barkut dhe arterieve në të dy këmbët, me dimensione 7.5 x 7.9 mm. Shtatë ditë pas qëndrimit në spital, pacienti është liruar në shtëpi në gjendje të mirë shëndetësore. Operacionet e kësaj natyre në spitalet private dhe në ato jashtë vendit kushtojnë deri në 20 mijë euro”, thuhet në njoftim.


SHIKO EDHE: Mësoni si bëhet testi i COVID-19?