Lajme

Intervistimi i Thaçit në Hagë, reagon Rama

Kryeministri i Shqipërisë Edi Rama ka reaguar pas kthimit të presidentit të Kosovës nga Haga ku u intervistua për katër ditë. Rama ka zgjedhur të publikoj në Facebook një foto të Thaçit nga pritja që iu bë në Morinë, derisa gjithashtu ka cituar fjalët e Thaçit.

Bashkëngjitur me flamujt e Shqipërisë dhe Kosovës, Rama citon fjalët e Thaçit.

“Askush nuk do ta rishkruajë dot historinë e lirisë sonë”.

🇦🇱👐🏿🇽🇰

Julkaissut Edi Rama Lauantaina 18. heinäkuuta 2020

Të njëjtat fjalë Thaçi i ritha edhe sonte kur iu drejtua qytetarëve për t’i njoftuar lidhur me intervistimin e tij.

Presidenti i Kosovës Hashim Thaçi për katër ditë u intervistua në Hagë nga Gjykata Speciale.

Muajin e kaluar Zyra e Prokurorit të Specializuar, ka njoftuar se më 24 prill u ka dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti Thaçi, kryetari i Partisë Demokratike të Kosovës, Kadri Veseli dhe të tjerë, akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

Ende nuk është e qartë se kush bën pjesë në grupin e “të tjerëve”, siç i ka cilësuar Zyra e Prokurorit.