Lajme

Fisnik Ismaili: Albini u kënaqke kur shajsha sa isha në Vetëvendosje

Deputeti i Partisë Socialdemokrate, Fisnik Ismaili është bërë qendër e kritikave për shkak të fjalorit të tij.

I njohur për përdorimin e një fjalori, shpeshëherë banal, Ismailit tani po i vihen në pah disa statuse në rrjetin social, Facebook dhe shkëmbime komentesh, ku ai përdorë fjalë banale.

Por, është interesant reagimi i Ismailit në një faqe në Facebook e cila duket të jetë përkrahëse e Vetëvendosjes dhe kreut të saj Albin Kurtit.

Faqja e cila ia ka publikuar Ismailit këto komente, e quan deputetin Ismaili ‘fundërrinë e cila duhet të largohet jo vetëm nga parlamenti por edhe nga Kosova’.

Por, Ismaili ka reaguar edhe këtu, duke shkruar se ‘kur përdorte fjalor të tillë sa ka qenë në VV, të gjithë kënaqeshin, e posaçërisht Albin Kurti’.