E martë, 26 Maj, 2020
Lajme

Ferizaj anulon ekskursionet e maturantëve për në Shqipëri – Kjo është arsyeja

Komuna e Ferizajt, përmes Drejtorisë për Arsim në fund të javës së shkuar ka marrë vendim të prerë për anulimin e të gjitha ekskursioneve për maturantë, të cilët për çdo vjet deri tash shkollat i kanë dërguar në Shqipëri.



Kjo është arsyetuar me faktin se deri tashti organizatorët kanë keqpërdorur buxhetin e nxënësve nuk u kanë ofruar kushtet komode nëpër hotele, pastaj ka pasur mungesë të ushqimit cilësor, mungesë të shëtitjeve nëpër vende të ndryshme të Shqipërisë, etj.

Në shtator të vitit të kaluar pas disa protestave nga maturantët, Komuna pati premtuar se ekskursioni do të realizohej afër përfundimit të procesit mësimor në muajin prill të 2019-s, mirëpo një gjë e tillë tashti është anuluar tërësisht.

Sipas zyrtarëve komunalë këtë iniciativë e ka marrë Këshilli i Prindërve, shoqëria civile, dhe një pjesë e madhe e kujdestarëve të klasave të dymbëdhjeta, nëpërmjet peticioneve.

Afrim Llabjani, drejtor i Arsimit në Komunën e Ferizajt, ka thënë se është marrë vendim i prerë që maturantët të mos i dërgojnë në Shqipëri, derisa për këtë kanë pranuar dhjetëra kërkesa nga Këshilli i prindërve, nga OJQ-të dhe nga vetë maturantët e klasave të dymbëdhjeta.



LEXO EDHE:
Kjo është komuna e parë që e fitoi betejën me koronavirusin