Lajme

Fatmir Sejdiu shërohet nga COVID-19

Ish presidenti i Kosovës, Fatmir Sejdiu dhe bashkëshortja e tij janë shëruar nga COVID-19.

Lajmin e ka dhënë vet Sejdiu nëpërmjet një statusi të postuar në llogarinë e tij në Facebook, ku ka falënderuar stafin mjekësor për angazhimin.

Statusi i plotë i Sejdiut:

“Të dashur miq, Javën që shkoi, nga e Mërkura e deri sot, meqë ishim infektuar me Covid 19, unë dhe bashkëshortja ime u detyruam të shtrihemi për shërim në Klinikën Infektive të QKUK.

Me këtë rast dëshirojmë të falenderojmë ekipet e mjekëve dhe gjithë personelin tjetër shëndetësor të cilët nën udhëheqjen e Prof. Dr. Sali Ahmetit, në repartin e të cilit ishim, u angazhuan me gjithë mundësitë e tyre prej ekspertësh të fushës për të ndihmuar shërimin tonë. Dhe ia kanë dalë.

Të dashur miq,
Një ndihmë të pazëvendësueshme na e keni dhënë edhe ju nëpërmjet inkurajimit të përditshëm me telefon, SMS dhe me mënyra të tjera të komunikimit.
Zoti ju bekoftë!


SHIKO EDHE: Mësoni si bëhet testi i COVID-19?