Lajme

Erdogan sulmon të rinjtë e komunitetit LGBT, policia arreston qindra studentë

Presidenti i Turqisë ka sulmuar lëvizjen LGBT-i midis një vale protestash studentore.

Recep Tayyip Erdogan vlerësoi krahun e të rinjve të partisë së tij, AKP për bartjen e “historisë së lavdishme të këtij kombi” dhe jo “të rinjtë e komunitetit LGBT”.

Të shtunën katër studentë u arrestuan në Stamboll për një pjesë të veprës artistike që thuhet se kombinonte simbolet LGBT me një imazh të një ueb-faqeje islamike, raporton bbc.

Kishte më shumë protesta në Universitetin Bogazici pas fjalimit të Erdoganit. Një total prej 159 personash u arrestuan – edhe pse më vonë u lanë të lirë.

Homoseksualiteti është i ligjshëm në Turqi, por kundërshtimi zyrtar ndaj komunitetit LGBT është rritur në vitet e fundit. “Marshimi i Krenarisë” së Stambollit u ndalua për pesë vjet me radhë deri në vitin 2019. /Telegrafi/


SHIKO EDHE: Mësoni si bëhet testi i COVID-19?