Lajme

E dhimbshme: Ky është 30 vjeçari, Dardan Osmani, që u gjet i vdekur sot në Ferizaj

Një 30-vjeçar është gjetur pa shenja jete sot në fshatin Saraishtë të komunës së Ferizajt. Sipas mediave lokale bëhet fjalë për Dardan Osmanin, ndërsa për vdekjen e Dardanit ka shkruar edhe vëllai i tij.

Ai në një postim në Facebook ka njoftuar se Dardani ka qenë vëllai më i vogël, ndërsa tha se për procedurat tjera do të njoftojnë me kohë.

“NA KËPUTE SHPIRTIN O VLLA 😭Sot në orët e hershme të mëngjesit ndërroj jetë vëllau ynë i vogël Dardani. Na vyshke zemren o vlla. Na kalle zemren o zemra jonë! Të nderuar miq, për të gjitha procedurat e tjera ju njoftojmë me kohë!”, ka shkruar ai.

Për rastin janë deklaruar edhe nga Policia rajonale e Ferizajt.

Zëdhënësi Kanun Veseli i tha Gazetës Express se rasti është iniciuar si “Vetëvrasje”, ndërsa trupi i pajetë i viktimës është dërguar për autopsi në IML.

“Sot, në ora 07:15, Policia Rajonale e Ferizajt ka pranuar një informacion se në fsh. Saraishtë të Ferizajt është një rast i vetëvrasjes. Hetuesit dhe krimteknikët Rajonal të Hetimeve kanë dalë në vendin e ngjarjes dhe nën autorizim të Prokurorit kujdestar nga Prokuroria Tehemelore e Ferizjat i kanë marr veprimet e nevojshme për hetim dhe trupi i pajetë me inicialet D.O (M/K) i moshës 30 vjeçar është dërguar për autopsi në Institutin e Mjekësisë Ligjore në Prishtinë”, tha Veseli për Express.