Lajme

Detaje të reja nga ngjarja tragjike ku burri dyshohet se e vrau gruan e tij 34-vjeçare

Sot ka ndodhur një ngjarje tragjike në fshatin Berivojë të komunës së Kamenicës.

N.M rreth 42 vjeç, dyshohet se me shufër metalike ka qëlluar për vdekje bashkëshorten e tij, tashmë të ndjetë S.M (34 vjeçe).

Njofitmi i plotë i Prokurorisë Themelore të Gjilanit:

Gjilan, 25 Korrik 2020 – Prokuroria Themelore ne Gjilan, Departamenti për Krime të Rënda, ju njofton se sot, në komunën e Kamenicës një person dyshohet se ka privuar nga jeta bashkëshorten e tij.

Ngjarja ka ndodhur rreth orës 13:20 minuta, në fshatin Berivojcë, komuna e Kamenicës, ku i dyshuari N.M, rreth 42 vjeç, dyshohet se me mjet të përshtatshëm – shufër metalike ka privuar nga jeta bashkëshorten e tij, tani të ndjerën S.M, rreth moshës 34 vjeçare.

Në këtë mënyrë dyshohet se i njëjti ka kryer veprën penale ‘’Vrasje e rëndë’’, nga neni 173 të Kodit Penal të Republikës së Kosovës.

Në vendin e ngjarjes kanë dalur prokurori i rastit, policia dhe ekipa mjekësore, me ç’rast nga mjeku kujdestar është konstatuar vdekja e të ndjerës dhe me urdhër të prokurorit trupi i pa jetë i viktimës është dërguar për obduksion, në Institutin e Mjekësisë Ligjore në Prishtinë.

Ndërsa, i dyshuari N.M, me vendim të prokurorit është ndaluar në kohëzgjatje prej 48 orësh dhe brenda afatit ligjor ndaj tij do të kërkohet masa për sigurimin e të pandehurit në procedurë penale.


SHIKO EDHE: Mësoni si bëhet testi i COVID-19?