Lajme

Dëbohen nga vendi turk dhjetë ambasadorë, ja kush janë dhe pse

Presidenti i Turqisë, Recep Tayyip Erdogan deklaroi se sot kishte urdhëruar Ministrinë e Jashtme që dhjetë ambasadorë perëndimorë t’i shpallë “persona non grata”, përkatësisht persona të padëshiruar.

Ai e mori këtë vendim për shkak të thirrjes për lirimin e filantropistit, Osman Kavala, shkruan ‘Reuters’ transmeton arbresh.info

Kavala ndodhet në burg që nga fundi i vitit 2017 dhe akuzohet për financimin e demonstratave në të gjithë vendin në vitin 2013 dhe për përfshirje në një grusht shteti të dështuar në vitin 2016. Ai mohon të gjitha akuzat.

Në një deklaratë të përbashkët më 18 tetor, ambasadorët e Kanadasë, Danimarkës, Francës, Gjermanisë, Holandës, Norvegjisë, Suedisë, Finlandës, Zelandës së Re dhe Shteteve të Bashkuara bënë thirrje për një “zgjidhje të drejtë dhe të shpejtë të çështjes së Kavalës”.


SHIKO EDHE: Mësoni si bëhet testi i COVID-19?