Lajme

Covid-19, ky është shteti i parë që vaksinimi e popullatës do ta nis në tetor

Vaksina ruse kundër COVID-19 e zhvilluar nga Instituti për Epidemiologji dhe Mikrobiologji “Gamaley”, do të regjistrohet më 12 gusht, derisa për tetor planifikohet që ajo t’u jepet të moshuarve dhe punëtorëve shëndetësorë, ka bërë të ditur të premten zv.ministri i Shëndetësisë i Rusisë, Oleg Gridnev.

“Tash është në faza e tretë, finale e testimit të vaksinës. Testimi është shumë i rëndësishëm. Duhet të bindemi që vaksina do të jetë e sigurt.

Vetëm kur të krijohet imuniteti te popullata, do të mund të vlerësojmë efikasitetin e vaksinës”, ka thënë Gridnev, përcjell “MbcNews”.

Testet klinike të vaksinës kanë nisur më 18 qershor në universitetin “Sechenov”, derisa në testim kanë marrë pjesë 38 vullnetarë dhe sipas mediave ruse, të gjithë kanë fituar imunitet ndaj koronavirusit.


SHIKO VIDEON