Lajme

Amerikanët korrigjojnë gabimin e sekretarit të NATO-s, i referohen Kurtit si kryeministër

Misioni i Shteteve të Bashkuara të Amerikës në NATO ka përmirësuar njoftimin e sekretarit të Përgjithshëm të NATO-së, Jens Stoltenberg, i cili Kurtit nuk iu referuar si kryeministër.

Deklarata e Stoltenbergut në “Twitter” nuk specifikon postin që mban shefi i ekzekutivit kosovar. Mirëpo, i menjëhershëm ishte korrigjimi nga amerikanët.

Ky mision ka shpërndarë njoftimin e këtij takimi. SHBA-të përmes këtij shkrimi kanë rikonfirmuar mbështetjen për Kosovën dhe rrugën e saj drejt integrimit euro-atlantik.

“Sekretari Jens Stoltenberg mirëpriti sot në mëngjes kryeministrin e Republikës së Kosovës, Albin Kurti, në selinë qendrore të NATO-s. SHBA-të do të qëndrojnë përkrahë Kosovës për të vazhduar rrugën e saj drejt integrimit Euro-atlantik”, thuhet në shkrim.


SHIKO EDHE: Mësoni si bëhet testi i COVID-19?