E martë, 26 Maj, 2020
Lajme

Amerika ka një porosi për shtetet që ende nuk e kanë njohur Kosovën

Departamenti amerikan i shtetit ka dërguar një letër me të cilën kërkon mbështetje për Kosovën nga shtetet e Karaibeve.



Në prag të vizitës së Ministrit të Punëve të Jashtme të Serbisë, Ivica Daçiq në Grenadë, të dielën e shkuar, shteteve Karaibe u ka mbërritur një “thirrje” nga departamenti amerikan i shtetit që kërkon mbështetje për Kosovën, shkruan “Veçerenje Novosti”, transmeton lajmi.net.

“Ia përkujtojmë qeverisë tuaj që fuqishëm ta konfirmojnë pranimin e Kosovës si anëtare të plotë të bashkësisë ndërkombëtare. Nga shpallja e pavarësisë më 2008, Kosova është njohur nga më tepër se 100 shtete anëtare në OKB dhe vazhdon të përparojë si e pavarur, multietnike dhe demokratike”, thuhet në letrën e dërguar nga departamenti amerikan i shtetit, transmeton lajmi.net.

“Njohjet shtesë të Kosovës sjellin stabilitet më të madh në Evropë, kurse izolimi i Kosovës dhe qytetarëve të saj janë recetë për destabilitet”, thuhet në vazhdimin e letrës së publikuar nga “Večernje novosti”.

Daçiq kishte paralajmëruar udhëtimin për të lobuar për tëheqje të njohjes së Kosovës por në dokumentin e publikuar thuhet se një gjë e tillë “do t’i trimëronte elementet e prapta në regjion, të cilat punojnë për të ngadalësuar përpjekjet për normalizim të raporteve mes Kosovës dhe Serbisë si dhe integrimin e regjionit në institucione euroatlantike”, përcjell lajmi.net.



Në letrën e dërguar tek shtetet e Karaibeve, SHBA prej tyre kërkon mbështetje të Kosovës për anëtarësim në INTERPOL me arsyetimin se kjo “do t’i përforcojë përpjekjet e shteteve për luftën ndaj krimit dhe terrorizmit, dhe se vetëm kriminelët kanë dobi nga status kuoja”, shkruan “Novosti”. /Lajmi.net/

LEXO EDHE:
Ish-gjyqtari i Kushtetueses: Vendi nuk mund të shkojë në zgjedhje vetëm pse kërkon një parti