Lajme

Aksident trafiku me fatalitet në autostradën “Ibrahim Rugova”

Një aksident trafiku ka ndodhur pak më parë në autostradën “Ibrahim Rugova”.

Si pasojë e këtij aksidenti raportohet se një person ka humbur jetën.

Lidhur me këtë nga Policia e Kosovës kanë deklaruar se rreth orës 11:25 në autostradën “Ibrahim Rugova”, në kilometërshin e 10-të është raportuar se ka ndodhur një aksident trafiku, vet-aksident, ku si pasojë dyshohet se një person ka humbur jetën , kurse një person tjetër është lënduar.

“Njësitet relevante policore I janë përgjigjur vendit të ngjarjes dhe kanë ndërmarrë të gjitha veprimet e nevojshme policore.”, u tha nga Zyra për Informim e Policisë së Kosovës për lajmi.net.

Policia e Kosovës ka apeluar tek qytetarët që të kenë kujdes të shtuar, të respektojnë rregullat në trafik dhe t’u përshtaten kushteve të rrugës dhe atyre atmosferike./Lajmi.net/


SHIKO EDHE: Mësoni si bëhet testi i COVID-19?