Biznes

Parashikimi i miliarderit George Soros: Ja pse koronavirusi do të sjellë fundin e BE-së

Filantropisti miliarder George Soros ka parashikuar që koronavirusi mund të sjellë fundin e BE-së. Soros shprehu dyshimet e tij për mbijetesën e institucionit pasi është një ‘bashkim i paplotë’ dhe përmendi vendimin e Gjermanisë mbi Bankën Qendrore Evropiane si një shkak shqetësimi.

89-vjeçari gjithashtu pohoi se pandemia globale mund t’i jepte fund kapitalizmit ashtu siç e njohim ne.

Në një intervistë për “Independent”, Soros tha: “Unë jam veçanërisht i shqetësuar për mbijetesën e BE-së sepse është një bashkim jo i plotë”.

Sipas Soros, kjo e bën Evropën “më të prekshme” sesa SHBA jo vetëm sepse është një bashkim jo i plotë por edhe sepse bazohet në shtetin e së drejtës.

Ai vazhdoi: ‘Dhe rrotat e drejtësisë lëvizin shumë ngadalë, ndërsa kërcënimet siç janë virusi Covid-19 lëvizin shumë shpejt. Kjo krijon një problem të veçantë për Bashkimin Evropian. ‘

Soros vazhdoi të shpjegojë pse po merrte vendimin e gjobave të Gjermanisë mbi Bankën Qendrore Evropiane ‘shumë seriozisht’.

Gjykata Kushtetuese gjermane javën e kaluar i dha ECB tre muaj për të shpjeguar proporcionalitetin e blerjeve të bonove të saj ose të rrezikojë të humbasë Bundesbank të Gjermanisë, një nga 19 bankat qendrore kombëtare që janë anëtare të BQE, si pjesëmarrëse. Ajo gjithashtu i bëri thirrje parlamentit dhe qeverisë gjermane të sfidojnë BQE për këtë çështje. /Gazeta SHQIP


SHIKO VIDEON