Biznes

Besnik Bislimi: Pagat nuk janë lotari, me hap smokin e me këqyr a ka dalë

“Pagat nuk caktohen në bazë të dëshirës, po, në bazë të mundësisë, na e kemi buxhetin 2.7 miliardë, askund në vendet e Bashkimit Europian proporcioni që shkon për paga nuk e kalon 27% e buxhetit”, ka thënë Bislimi.

Ai gjithashtu ka bërë një analogji tek shpërndarja e pagave duke e krahasuar me shpërndarjen e ëmbëlsirës. Duke shtuar se pagat nuk janë lotari.

“Kjo është tortja të cilën duhet me shpërnda ne formë te pagave. Nuk është çështje e vullnetit, dëshirës por e mundësisë. Pagat e kane njëfarë filozofie, pagat nuk janë çështje e lotarisë me hap smokin e me e pa sa na ka dalë paga aty”, tha Bislimi.

Ai gjatë raportimit në Komision, ka deklaruar se faji për ikjen e mjekëve nga Kosova nuk është vetëm te rrogat, por se edhe mjekët po ikin nga Gjermania dhe se shtohet nevoja për mjek nga Kosova e vendet tjera.

Bislimi shtoi se mobiliteti është vlerë e Bashkimit Europian.